Dogana e Kosovës njofton se sot ka përfunduar të gjitha përgatitjet për funksionalizimin e pikëkalimit kufitar të Glloboçicës ashtu që të mundësohet kalimi i ngarkesave komerciale me mallra.

Sipas Doganës deri tek ky ri-destinim i dërgesave komerciale nëpërmjet pikë kalimit kufitar të Glloboqicës ka ardhur si rezultat vendimit të Ministrisë së Infrastrukturës për mbylljen e segmentit të rrugës Hani Elezit – Kaçanik.

“Pikë kalimi kufitar i Glloboqicës ka qenë i hapur për trafik të udhëtarëve derisa tani përkohësisht do të mundësohet edhe trafiku komercial, deri në një vendim tjetër nga Ministria e Infrastrukturës lidhur me segmentin e rrugës Kaçanik – Hani i Elezit. Duke marr parasysh se edhe nga ana maqedonase ky pikë kalim ka qenë i lejuar vetëm për udhëtar e jo për mallra komerciale, jemi duke pritur edhe konfirmimin nga pala maqedone për funksionalizimin komercial të kësaj pike dhe lejimin e dërgesave komerciale ne import, eksport dhe transit përmes pikë kalimit kufitar Glloboqicë”, thuhet në njoftimin e Doganës.

Deri në marrjen e vendimit nga pala maqedonase ky pikë-kalim nuk mund të funksionalizohet, për çka po presim një përgjigje nga pala maqedonase që gjatë ditës se sotme të behet funksionalizimi.